Samningur um viðskiptavakt á eftirmarkaði með skuldabréf Reykjavíkurborgar, RVK 53 1, RVK 32 1 og RVKN35 1Þann 19. mars 2020 samþykkti borgarráð að endurnýja samninga við Arion banka hf., Íslandsbanka hf., Kviku banka hf. og Landsbankann hf. um viðskiptavakt með skuldabréfaflokkana RVK 53 1, RVK 32 1 og RVKN 35 1.
Markmiðið með samningunum er að efla verðmyndun á eftirmarkaði. Viðskiptavakt Arion banka hf., Íslandsbanka hf., Kviku banka hf., Landsbankans hf., gildir frá og með 1. apríl 2020 til 31. mars 2021. Helstu atriði samningsins eru: - Viðskiptavakar hafa einir aðgang að sérstökum verðbréfalánum sem Reykjavíkurborg veitir.
- Viðskiptavaki á eftirmarkaði fyrir RVK 53 1 og setur fram kaup- og sölutilboð að lágmarki 20 m.kr. að nafnvirði í NASDAQ OMX á Íslandi fyrir opnun markaðar.
- Viðskiptavaki á eftirmarkaði fyrir RVKN 35 1 og setur fram kaup- og sölutilboð að lágmarki 30 m.kr. að nafnvirði í NASDAQ OMX á Íslandi fyrir opnun markaðar.
- Viðskiptavaki á eftirmarkaði fyrir RVK 32 1 og setur fram kaup- og sölutilboð að lágmarki 30 m.kr. að nafnvirði í NASDAQ OMX á Íslandi fyrir opnun markaðar.
- Hámarksverðbil kaup- og sölutilboða viðskiptavaka ákvarðast af verði gildra tilboða og má mest vera 1,0%
- Viðskiptavaki skal endurnýja tilboð innan 15 mínútna eftir að þeim er tekið.
- Ef viðskiptavaki á viðskipti á einum viðskiptadegi fyrir samtals 60 m.kr. að nafnvirði með RVK 53 1 er honum heimilt að víkja út frá hámarksmun kaup- og sölutilboða.
- Ef viðskiptavaki á viðskipti á einum viðskiptadegi fyrir samtals 90 m.kr. að nafnvirði með RVKN 35 1 er honum heimilt að víkja út frá hámarksmun kaup- og sölutilboða.
- Ef viðskiptavaki á viðskipti á einum viðskiptadegi fyrir samtals 90 m.kr. að nafnvirði með RVK 32 1 er honum heimilt að víkja út frá hámarksmun kaup- og sölutilboða.
Nánari upplýsingar gefur: Helga Benediktsdóttir Skrifstofustjóri fjárstýringar- og innheimtuskrifstofu Netfang: helga.benediktsdottir@reykjavik.is Sími: 898-8272
|