Síminn hf.
Niðurstöður hluthafafundar

Síminn hf. - Niðurstöður aðalfundar 12. mars 2020

Meðfylgjandi eru niðurstöður frá aðalfundi Símans hf. sem haldinn var fyrr í dag.

Sjálfkjörið var í stjórn félagsins fyrir næsta starfsár. Stjórnin hefur skipt með sér verkum og er Jón Sigurðsson formaður stjórnar og Helga Valfells varaformaður stjórnar.

Stjórnin er þannig skipuð:

• Jón Sigurðsson, formaður stjórnar
• Helga Valfells, varaformaður stjórnar
• Bjarni Þorvarðarson
• Kolbeinn Árnason
• Sylvía Kristín Ólafsdóttir

Sjálfkjörið var í tilnefningarnefnd félagsins fyrir næsta starfsár en nefndina skipa:

• Jensína Kristín Böðvarsdóttir
• Steinunn Kristín Þórðardóttir

Stjórn félagsins hefur jafnframt skipað Sverrir Briem í tilnefningarnefnd félagsins fyrir næsta starfsár.

Sverrir er með BA gráðu í sálfræði frá Háskóla Íslands og meistaragráðu í sama fagi frá Kaupmannahafnarháskóla. Hann sérhæfði sig í starfsmannavali og viðtalstækni hjá BI Norwegian Business School og hefur leyfi Landlæknis til að starfa sem sálfræðingur. Sverrir hefur starfað sem ráðgjafi hjá Hagvangi frá árinu 2012 og varð meðeigandi í byrjun árs 2019. Á árunum 2004-2006 var Sverrir viðskiptastjóri á auglýsingastofunni Gott Fólk og starfaði í markaðsdeild Landsbankans frá 2006-2008. Fram til 2010 var Sverrir vörumerkjastjóri hjá Nóa Síríus en starfaði svo sem klínískur sálfræðingur í Noregi frá 2010 til 2012, þar til hann fór til Hagvangs. Hans sérsvið hjá Hagvangi hafa verið stjórnendaráðningar og aðrar lykilráðningar og hefur hann á undanförnum árum komið að fjölmörgum ráðningum í íslensku atvinnulífi.

 Niðurstöður aðalfundarins má að öðru leyti sjá í meðfylgjandi fundargerð.

Ársskýrsla Símans hf. fyrir árið 2019 hefur verið gefin út. Skýrsluna má nálgast á heimasíðu félagsins á vefslóðinni:  https://www.siminn.is/arsskyrslur/arsskyrsla-2019

Viðhengi

• Fundargerð aðalfundar Símans 2020