Lykill fjármögnun hf. Ársreikningur samstæðu 2019Afkoma Lykils fjármögnunar hf. á árinu 2019 Stjórn Lykils fjármögnunar hf. samþykkti ársreikning fyrir rekstrarárið 2019 þann 25. febrúar 2020. Helstu lykiltölur ársreikningsins eru: Heildar tekjur voru 3.817 m.kr. og hækkuðu um 19,9% frá fyrra ári. Hreinar vaxtatekjur á tímabilinu voru 1.323 m.kr. og jukust um 11,9% frá árinu 2018. Tekjur af rekstrarleigu voru 844 m.kr. og jukust um 71 m.kr. frá fyrra ári, eða 9,2%. Rekstrarkostnaður var 1.291 m.kr. og hækkar um 10,0% frá fyrra ári sem skýrist að hluta af einskiptiskostnaði. Hrein virðisbreyting var neikvæð um 197 m.kr. en var jákvæð um 438 m.kr. á árinu 2018. Hagnaður ársins nam 344 m.kr. samanborið við 1.212 m.kr. á árinu 2018 og skýrist munurinn aðallega af virðisbreytingum og bókfærðri tekjuskattsinneign sem kom til hækkunar á hagnaði 2018. Arðsemi eigin fjár var 2,8%. Heildareignir í lok tímabilsins voru 43.471 m.kr. og jukust um 5.577 m.kr., eða 14,7%. Eigið fé í lok árs var 11.847 m.kr. Reiknað eiginfjárhlutfall (CAD) er 28,1%.
Frekari upplýsingar um félagið má finna á eftirfarandi slóð: https://www.lykill.is/starfsemi/fjarfestatengsl/
|