Published: 2019-04-05 10:33:05 CEST
Orkuveita Reykjavíkur
Aðrar upplýsingar sem birtar eru í samræmi við reglur Kauphallarinnar

Orkuveita Reykjavíkur: Niðurstaða útboðs grænna skuldabréfa

Útboð á grænum skuldabréfum Orkuveitu Reykjavíkur lauk í gær, 4. apríl 2019. Gefin voru út ný skuldabéf í flokknum OR180255 GB en skuldabréfin eru verðtryggð jafngreiðslubréf með lokagjalddaga 18. febrúar 2055.

Heildartilboð voru samtals 3.330 m. kr. á bilinu 2,20% - 2,40%. Tilboðum að fjárhæð 2.110 m. kr. var tekið á ávöxtunarkröfunni 2,29%.

Tilgangur útgáfunnar er að fjármagna þau fjölmörgu grænu verkefni sem eru á döfinni hjá félaginu en OR hefur sett sér það metnaðarfulla markmið að smækka kolefnisspor sitt um 60% fyrir árið 2030. Á meðal verkefna sem skuldabréfaútgáfan mun fjármagna eru:

  • CarbFix niðurdælingarverkefnið við Hellisheiðarvirkjun
  • Snjallmælavæðing á veitusvæði Veitna
  • Innviðir í tengslum við orkuskipti samgangna

Í tengslum við útgáfuna hefur OR sett sér grænan ramma – Reykjavik Energy Green Bond Framework. Græni ramminn fylgir svokölluðum „green bond principles,“ viðmiðum útgefnum af ICMA, Alþjóðasamtökum  aðila á verðbréfamarkaði. CICERO Green hefur veitt óháð álit á rammanum og gefur honum hæstu einkunnir; „dark green“ fyrir jákvæð umhverfisáhrif verkefnanna og „excellent“ fyrir umgjörð skuldabréfanna hjá fyrirtækinu.

Fossar markaðir hafa umsjón með útgáfu og sölu skuldabréfanna sem og töku þeirra til viðskipta á „sustainable bond“ markaði Nasdaq á Íslandi.

Nánari upplýsingar veita: 

Ingvar Stefánsson, framkvæmdastjóri Fjármála OR, sími 516-6100, ingvar.stefansson@or.is. 

Matei Manolescu, Markaðir, Fossar markaðir, sími 522 4008, netfang matei.manolescu@fossarmarkets.com