Heimstaden hf.
Árshlutareikningur (Q1 og Q3)

Heimavellir hf: Árshlutareikningur þriðja ársfjórðungs 2018

Heimvellir hf
Árshlutareikningur – 9 mánuðir

Heimavellir hf. Árshlutareikningur þriðja ársfjórðungs 2018.

Fréttatilkynning frá Heimavöllum hf þann 24. október 2018.

Uppgjörstölur Heimavalla hf. fyrir þriðja ársfjórðung og fyrstu níu mánuði ársins 2018 eru í hnotskurn:

Guðbrandur Sigurðsson um uppgjörið:

„Ég er ánægður að sjá að hvað okkur miðar vel með þau verkefni sem félagið hefur undanfarið lagt áherslu á. Rekstrarniðurstaða þriðja ársfjórðungs er sú besta sem við höfum séð séð og er rekstur félagsins á fyrstu níu mánuðum ársins í samræmi við áætlanir. Endurskipulagning eignasafnins gengur vel og er búið að selja fasteignir fyrir 3.188 m.kr. á fyrstu níu mánuðum ársins. Söluhagnaður af þessari eignasölu eru 222 m.kr. eða 7,5% m.v. matsverð. Framundan er  endurfjármögnun félagsins þar sem m.a. er horft til skuldabréfaútboðs á næstunni.“.

Kynningarfundur:
Opinn kynningarfundur verðu haldinn á morgun, fimmtudaginn 25. ágúst 2018. kl 08:30 til 09:15, á Hilton Reykjavík Nordica (fundarherbergi G). Guðbrandur Sigurðsson, framkvæmdastjóri Heimavalla, mun kynna uppgjörið og svara spurningum að því loknu, ásamt Arnari Gauta Reynissyni, fjármálastjóra Heimavalla.

Rekstur félagsins:
Meðfylgjandi er samandreginn árshlutareikningur fyrstu 9 mánaða ársins 2018 í samanburði við sama tímabil 2017 ásamt skýringum um rekstur félagsins á tímabilinu. Reikningurinn var staðfestur fyrr í dag, af stjórn félagsins og framkvæmdastjóra.

Rekstur félagsins gengur vel en á uppgjörsímabilinu jukust tekjur þess um 530.5 m.kr. í samanburði við sama tímabil á árinu 2017 sem er 24% aukning á milli ára. Rekstrarkostnaður fjárfestingareigna var 784 m.kr. á fyrstu níu mánuðum þessa árs sem eru 28,3% af rekstrartekjum í samanburði við 33,4% hlutfall á sama tímabili 2017. Annar rekstrarkostnaður lækkar um 44,5 m.kr. og nam 323 m.kr. sem er 12% lækkun á milli ára og var því 11,7% af rekstrartekjum á fyrstu níu mánuðum 2018 í samanburði við 16,5% á sama tímabili 2017.

Rekstrarhagnaður fyrir matsbreytingu eru 1.654 m.kr. í lok uppgjörstímabils eða 59,9% af tekjum í samanburði við 50,1% á sama tíma í fyrra.

Á þriðja ársfjórðungi er jákvæð matsbreyting að upphæð 138,3 m.kr. og frá áramótum er matsbreytingin samtals 141,6 m.kr.

Efnahagur:
Heildareignir félagsins námu 58.447 m.kr. þann 30. september 2018. Þar af eru fjárfestingareignir 55.661 m.kr. og fjárfestingareignir í byggingu 1.018 m.kr. Eigið fé félagsins nam 18.712 m.kr. Heildarskuldir félagsins voru 39,735 m.kr. þar af vaxtaberandi skuldir 37.159 m.kr. og  tekjuskattsskuldbinding 2.575 m.kr.

Endurskipulagning eignasafns:
Á síðustu tveimur ársfjórðungum hefur félagið bætt við sig nýju fjölbýlishúsi við Einivelli 1-3 í Hafnarfirði með 47 íbúðum. og á Ásbrú í Reykjanesbæ er búið að bæta við 18 stúdíóíbúðum með því að standsetja rými í eignum sem félagið átti fyrir. Á móti þessum eignum eru seldar óhagkvæmar leigueiningar og eru samtals 1983 íbúðir í eignasafni félagsins þann 30. september 2018.

Horfur í rekstri:
Heimavellir áætla að tekjur ársins 2018 muni koma til með að vera 3.697 m.kr. EBITDA félagsins er áætluð 60% af tekjum á þessu ári eða 2.218 m.kr. Tekjur ársins 2019 eru áætlaðar 3.880 m.kr. og EBITDA framlegð 63,5% - 64,8% og tekjur ársins 2020 eru áætlaðar 4.020 m.kr. EBITDA framlegð 66,6% - 67,8%.

Fjárhagsdagatal:
Áætlað er að ársuppgjör félagsins verði birt þann 14. febrúar 2019.

Frekari upplýsingar veitir:
Guðbrandur Sigurðsson, framkvæmdastjóri.
gudbrandur@heimavellir.is, s 896 0122

Viðhengi:
Heimavellir hf árshlutareikningur 30.09.2018.pdf
Heimavellir hf Q3 in english 20.09.2018.pdf
Fjárfestakynning 30.09.2018.pdf

Viðhengi

• Heimavellir 2018 3F uppgjörskynning Final
• Heimavellir árshlutareikningur jan-sept 2018
• Heimavellir 30.9.2018 Financial Statement