English Icelandic
Birt: 2018-07-04 18:51:53 CEST
Arion banki hf.
Aðrar upplýsingar sem birtar eru í samræmi við reglur Kauphallarinnar

Arion banki: Niðurstaða útboðs sértryggðra skuldabréfa

Arion banki hf. lauk í dag útboði á þremur markflokkum sértryggðra skuldabréfa.

Heildareftirspurn í útboðinu var 3.120 m. kr. og fjöldi tilboða var 22.

Í verðtryggða flokkinn ARION CBI 48 bárust 6 tilboð að nafnvirði samtals 980 m.kr., á ávöxtunarkröfu á bilinu 2,80-2,85%. Öll tilboð í ARION CBI 48 voru samþykkt. Heildarstærð flokksins verður 6.140 m.kr. að nafnvirði eftir útgáfuna.  

Í verðtryggða flokkinn ARION CBI 25 bárust 14 tilboð að nafnvirði samtals 1.860 m.kr., á ávöxtunarkröfu á bilinu 2,54% - 2,62%. Samþykkt voru tilboð í ARION CBI 25 að fjárhæð 1.200 m. kr., á 2,58% ávöxtunarkröfu. Heildarstærð flokksins verður 31.720 m.kr. eftir útgáfuna. 

Í óverðtryggða flokkinn ARION CB 22 bárust 2 tilboð að nafnvirði samtals 280 m. kr., á ávöxtunarkröfu  á bilinu 5,59-5,62%.  Öllum tilboðum í ARION CB 22 var hafnað.

Um er að ræða stækkun á þegar útgefnum skuldabréfaflokkum sem hafa verið til viðskipta á Nasdaq Ísland. Stefnt er að töku skuldabréfanna til viðskipta á Nasdaq Ísland þann 11. júlí 2018.

Í heild hefur Arion banki gefið út sértryggð skuldabréf fyrir 107.500 m. kr. og þar af 18.080 m. kr á þessu ári.

Nánari upplýsingar veitir Haraldur Guðni Eiðsson, forstöðumaður samskiptasviðs Arion banka haraldur.eidsson@arionbanki.is s: 856-7108.