Landsbankinn hf.: Niðurstöður víxlaútboðsLandsbankinn hf. lauk í dag lokuðu útboði á þremur víxlaflokkum: LBANK 181210, LBANK 190110 og LBANK 190710. Heildartilboð í útboðinu voru 12 talsins og námu samtals 1.820 m. kr. Þrjú tilboð að fjárhæð 300 m. kr. bárust í flokkinn LBANK 181210 og voru vextir tilboða á bilinu 4,30%-4,35%. Engum tilboðum var tekið í flokkinn. Átta tilboð að fjárhæð 1.420 m. kr. bárust í flokkinn LBANK 190110 og voru vextir tilboða á bilinu 4,30%-4,38%. Tilboðum var tekið að fjárhæð 560 m. kr. á 4,36% flötum vöxtum sem jafngildir verðinu 97,8201. Eitt tilboð að fjárhæð 100 m. kr. barst í flokkinn LBANK 190710 og voru vextir þess tilboðs 4,55%. Því tilboði var ekki tekið. Stefnt er að töku víxlanna til viðskipta á Nasdaq Iceland þann 10. júlí 2018. Nánari upplýsingar um víxlana má finna á vefsvæði fjármögnunar bankans, www.landsbankinn.is/vixlar.
|