Landsbréf hf. boða til fundar með skuldabréfaeigendum vegna tillögu um skilmálabreytingu skuldabréfaflokksins BUS 56BUS 56 – Landsbréf hf. boða til fundar með skuldabréfa-eigendum vegna skilmálabreytinga skuldabréfaflokksins BUS 56 Fagfjárfestasjóðurinn Landsbréf – BÚS I (sjóðurinn), sem er í rekstri Landsbréfa hf. er útgefandi skuldabréfaflokksins BUS 56 sem er skráður hjá Nasdaq Iceland (skuldabréfaflokkurinn). Fundur sjóðsins með skuldabréfaeigendum verður haldinn í höfuðstöðvum Landsbréfa hf. (rekstraraðila sjóðsins) miðvikudaginn 23. maí kl. 11:00 í Borgartúni 33, 105 Reykjavík, 4. hæð. Dagskrá - Ákvörðun um að breyta skilmálum skuldabréfaflokksins BUS 56 (Uppgreiðsluheimild/uppgreiðsluskylda)
Í útgáfulýsingu skuldabréfaflokksins er kveðið á um að útgefandi geti greitt upp skuldabréfaflokkinn frá og með 5. desember 2022. Rekstraraðili sjóðsins hyggst fyrir hönd sjóðsins leggja fram á fundinum tillögu um skilmálabreytingu. Skilmálabreytingin gengur út á að skuldabréfið verði ekki uppgreiðanlegt fyrr en 5. desember 2025. Fyrir liggur samþykki Búseta hsf., sem er eini lántakinn hjá sjóðnum, um að félagið muni samþykkja sams konar skilmálabreytingu á lánssamningum við Landsbréf – BÚS I. Að öðru leyti vísast til tillögu um skilmálabreytingu í viðhengi. Atkvæðisréttur skuldabréfaeigenda í skuldabréfaflokknum miðast við fjárhæðir hvers skuldabréfaeiganda sem hlutfall af skuldabréfaflokknum. Skuldabréfaeigendur eru allir þeir sem eiga kröfur á útgefanda á grundvelli skuldabréfa í skuldabréfaflokknum og geta framvísað staðfestingu á eign sinni á vörslureikningi hjá reikningsstofnun með sannanlegum hætti. Tillögu sjóðsins um skilmálabreytingu og umboðseyðublað er að finna í viðhengi. Nánari upplýsingar veita Landsbréf hf. sem er rekstraraðili sjóðsins í síma 410 2500 og tölvupósti landsbref@landsbref.is
|