Lánasjóður sveitarfélaga - Ársreikningur 2017Hagnaður Lánasjóðsins 777 milljónir króna
Rekstur og afkoma ársins 2017
Hagnaður Lánasjóðs sveitarfélaga nam 777 milljónum króna á árinu 2017 samanborið við 983 milljónir króna á árinu 2016. Breytingin á milli ára skýrist einna helst af tekjufærslu á árinu 2016 vegna endurheimta af kröfu Lánasjóðsins á hendur Glitni banka hf.
Heildareignir sjóðsins í lok tímabilsins voru 85.707 milljónir króna en voru 78.024 milljónir í árslok 2016. Heildarútlán sjóðsins námu 73.566 milljónum króna í lok tímabilisins samanborið við 71.175 í árslok 2016. Þá nam eigið fé 17.459 milljónum króna á móti 17.172 milljónum króna í árslok 2016. Vegið eiginfjárhlutfall samkvæmt lögum um fjármálafyrirtæki er 97% en var 85% í árslok 2016.
Stjórn sjóðsins leggur til að á árinu 2018 verði arður að fjárhæð 388 milljónir króna greiddur til hluthafa í samræmi við arðgreiðslustefnu sjóðsins.
Rekstur ársins |
2017 |
2016 |
2015 |
2014 |
2013 |
Hreinar vaxtatekjur |
927 |
959 |
942 |
867 |
1.047 |
Aðrar rekstrartekjur (gjöld) |
32 |
(42) |
60 |
15 |
(81) |
Almennur rekstrarkostnaður |
185 |
204 |
183 |
171 |
151 |
Afkoma fyrir óreglulega liði |
774 |
713 |
818 |
710 |
815 |
Niðurfærsla vegna erlends láns |
0 |
0 |
227 |
(464) |
2 |
Tekjuf. v. krafna á gjaldþrota fjármálastofnanir |
3 |
270 |
0 |
0 |
0 |
Hagnaður ársins |
777 |
983 |
1.046 |
247 |
715 |
Framtíðarhorfur
Lánasjóður sveitarfélaga sér fram á að veitt útlán á árinu 2018 verði talsvert umfram útlán síðustu ára þar sem uppgjör lífeyrisskuldbindinga sveitarfélaga hefur sett mark sitt á starfsemi sjóðsins fyrstu mánuði ársins. Fyrstu tvo mánuði ársins hefur Lánasjóðurinn veitt langtímalán að fjárhæð 15 milljarða og nemur skuldabréfaútgáfa sjóðsins 6,5 milljörðum króna að nafnvirði á sama tíma. Skuldabréfaútgáfa í desember 2017 nam 4,2 milljörðum. Sjóðurinn mun endurskoða útgáfuáætlun sína fyrir árið 2018.
Kynningarfundur
Opinn kynningarfundur fyrir markaðsaðila verður haldinn miðvikudaginn 7. mars 2018 í starfsstöð sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Kynningin hefst kl. 8:30.
Nánari upplýsingar veitir: Óttar Guðjónsson, framkvæmdastjóri, s. 515 4949
|