Lykill fjármögnun hf.: Ársreikningur Afkoma Lykils fjármögnunar hf. á árinu 2017 Stjórn Lykils fjármögnunar hf. samþykkti ársreikning fyrir rekstrarárið 2017 þann 15. febrúar 2018. Helstu lykiltölur ársreikningsins eru: Heildar tekjur voru 2.616 m.kr. og hækkuðu um 9% frá fyrra ári. Hreinar vaxtatekjur á tímabilinu voru 1.319 m.kr. sem er 8,5% lækkun frá árinu 2016, en um 2,2% hækkun ef tekið er tillit til einskiptisliða s.s. dráttarvaxta. Rekstrarkostnaður var 1.086 m.kr. og lækkar um 4,1% frá fyrra ári. Ef tekið er tillit einskiptisliðar á árinu 2016 nemur lækkunin 9,5% á milli ára. Hrein virðisbreyting var jákvæð um 604 m.kr. sem er 17,2% lækkun frá fyrra ári. Hagnaður ársins var 2.067 m.kr. sem er 51,9% hækkun milli ára, en þar af var tekjuskattsinneign að fjárhæð 991 m.kr. tekjufærð á tímabilinu en áætlanir félagsins til næstu ára gera ráð fyrir að félagið geti nýtt inneignina á móti skattskyldum hagnaði. Arðsemi eigin fjár var 16,4%. Heildareignir í lok tímabilsins voru 31.778 m.kr. og jukust um 5.816 m.kr., eða 22,4% Eigið fé í lok árs var 13.323 m.kr. Reiknað eiginfjárhlutfall (CAD) er 46,6%. Með hliðsjón af sterkri fjárhagsstöðu félagsins leggur stjórn til við hluthafafund að greiddur verði arður sem nemur 940 m.kr. Frekari upplýsingar um félagið má finna á eftirfarandi slóð: https://www.lykill.is/starfsemi/fjarfestatengsl/
|