Arion banki: Niðurstaða útboðs sértryggðra skuldabréfa
Arion banki hf. lauk í dag útboði á tveimur markflokkum sértryggðra skuldabréfa.
Heildareftirspurn í útboðinu var 1.820 m. kr. og fjöldi tilboða var 18.
Í verðtryggða flokkinn ARION CBI 48 bárust 7 tilboð að nafnvirði samtals 600 m.kr., á ávöxtunarkröfu á bilinu 2,68% - 2,80%. Samþykkt voru tilboð í ARION CBI 48 að fjárhæð 500 m.kr. á 2,72% ávöxtunarkröfu. Heildarstærð flokksins verður 2.780 m.kr. eftir útgáfuna.
Í óverðtryggða flokkinn ARION CB 22 bárust 11 tilboð að nafnvirði samtals 1.220 m. kr., á ávöxtunarkröfu á bilinu 5,43%–5,51%. Samþykkt voru tilboð í ARION CB 22 að fjárhæð 920 m.kr. á 5,50% ávöxtunarkröfu. Heildarstærð flokksins verður 24.780 m.kr. eftir útgáfuna.
Um er að ræða stækkun á þegar útgefnum skuldabréfaflokkum sem hafa verið til viðskipta á Nasdaq Ísland. Stefnt er að töku skuldabréfanna til viðskipta á Nasdaq Ísland þann 14 febrúar 2018.
Í heild hefur Arion banki gefið út sértryggð skuldabréf fyrir 95.820 m. kr. og þar af 3.900 m. kr á þessu ári.
Nánari upplýsingar veitir Haraldur Guðni Eiðsson, forstöðumaður samskiptasviðs Arion banka haraldur.eidsson@arionbanki.is s: 856-7108.
|