Landsbankinn hf.: Niðurstöður víxlaútboðs Landsbankinn hf. lauk í dag lokuðu útboði á þremur víxlaflokkum; LBANK 180710, LBANK 180810 og LBANK 190211. Heildartilboð í útboðinu voru 30 talsins og námu samtals 3.400 m. kr. Þrettán tilboð að fjárhæð 1.180 m. kr. bárust í flokkinn LBANK 180710 og voru vextir tilboða á bilinu 4,25%-4,35%. Engum tilboðum var tekið í flokkinn. Sextán tilboð að fjárhæð 2.120 m. kr. bárust í flokkinn LBANK 180810 og voru vextir tilboða á bilinu 4,25%-4,37%. Tilboðum var tekið að fjárhæð 1.000 m. kr. á 4,32% flötum vöxtum sem jafngildir verðinu 97,8972. Eitt tilboð að fjárhæð 100 m. kr. barst í flokkinn LBANK 190211 og voru vextir tilboðsins 4,55%. Þessu tilboði var ekki tekið. Stefnt er að töku víxlanna til viðskipta á Nasdaq Iceland þann 12. febrúar 2018. Nánari upplýsingar um víxlana má finna á vefsvæði fjármögnunar bankans, www.landsbankinn.is/vixlar.
|