Reykjavíkurborg gefur út verðtryggðan skuldabréfaflokk
Reykjavíkurborg hefur gefið út nýjan skuldabréfaflokk með auðkennið RVK 32 1. Skuldabréfin eru verðtryggð með jöfnum greiðslum til 15 ára með greiðslu afborgana og vaxta á 6 mánaða fresti.
Seld hafa verið skuldabréf í flokknum að fjárhæð kr. 1.440.000.000 að nafnvirði. Skuldabréfin voru seld í lokuðu útboði á ávöxtunarkröfunni 2,58%. Flokkurinn er opinn að stærð og fyrirhugað er að hann verði stækkaður á komandi árum og að viðskiptavakt verði tekin upp með flokkinn.
Með þessari skuldabréfaútgáfu hefur Reykjavíkurborg gefið út skuldabréf vegna framkvæmda fyrir samtals 3.227 milljónir króna á árinu 2017. Útgáfuáætlun ársins 2017 hljóðar upp á 4.812 milljónir króna.
Kvika banki h.f. hefur umsjón með útgáfu og sölu skuldabréfanna sem og töku þeirra til viðskipta á Aðalmarkað Nasdaq Iceland hf.
Nánari upplýsingar gefur:
Birgir Björn Sigurjónsson
Fjármálastjóri Reykjavíkurborgar
Sími: 411-1111
|