English Icelandic
Birt: 2017-12-04 16:49:22 CET
Landsbankinn hf.
Aðrar upplýsingar sem birtar eru í samræmi við reglur Kauphallarinnar

Landsbankinn hf. : Niðurstöður víxlaútboðs

Landsbankinn hf. lauk í dag lokuðu útboði á þremur víxlaflokkum, þegar útgefnum flokki LBANK 180510 og nýjum flokkum, LBANK 180611 og LBANK 181210.

Heildartilboð í útboðinu voru 12 talsins og námu samtals 1.540 m. kr. Engum tilboðum var tekið í útboðinu.

Fjögur tilboð að fjárhæð 500 m. kr. bárust í flokkinn LBANK 180510 og voru vextir tilboða á bilinu 4,30%-4,40%. Engum tilboðum var tekið í flokkinn.

Sex tilboð að fjárhæð 920 m. kr. bárust í flokkinn LBANK 180611 og voru vextir tilboða á bilinu 4,30%-4,40%. Engum tilboðum var tekið í flokkinn.

Tvö tilboð að fjárhæð 120 m. kr. bárust í flokkinn LBANK 181012 og voru vextir tilboða á bilinu 4,37%-4,65%. Engum tilboðum var tekið í flokkinn.

Nánari upplýsingar um víxlana má finna á vefsvæði fjármögnunar bankans, www.landsbankinn.is/vixlar