REITIR: Endurnýjun samnings um viðskiptavakt
Reitir fasteignafélag hf. hefur í dag endurnýjað samning sinn við Íslandsbanka um viðskiptavakt á hlutabréfum útgefnum af Reitum sem skráð eru á Aðallista Nasdaq á Íslandi. Eldri samningur aðila er frá 2015.
Samningurinn er í samræmi við ákvæði 116. gr. laga um verðbréfaviðskipti nr. 108/2007 og kveður hann á um að Íslandsbanki skuli dag hvern leggja fram kaup- og sölutilboð í hlutabréf félagsins í viðskiptakerfi Nasdaq á Íslandi. Fjárhæð kaup- og sölutilboða, að nafnvirði, skal vera að lágmarki í samræmi við neðangreinda töflu þar sem gengi félagsins á markaði stýrir fjárhæð tilboða.
Gengi |
Nafnverð |
65 – 70 |
450.000 |
70,1 – 75 |
425.000 |
75,1 – 85 |
400.000 |
85,1 – 90 |
375.000 |
90,1 – 105 |
350.000 |
105,1 – 120 |
300.000 |
120,1 – 140 |
250.000 |
140,1 – 175 |
200.000 |
Tilboð skulu endurnýjuð eins fljótt og unnt er, þó ávallt innan 10 mínútna eftir að þeim er tekið að fullu. Íslandsbanki tryggir að verðbil milli kaup- og sölutilboða sem sett eru fram í viðskiptavakt nemi að hámarki 1,5% og að frávik þeirra frá síðasta viðskiptaverði sama dags sé ekki meira en 3%.
Eigi Íslandsbanki viðskipti með bréf félagsins fyrir 200.000.000 ISK að markaðsvirði eða meira í sjálfvirkri pörun („automatch“) innan dags, sem fer um veltubók Íslandsbanka (eigin viðskipti bankans), falla niður skyldur um hámarksmun kaup- og sölutilboða innan þess dags.
Samningurinn er ótímabundinn og uppsegjanlegur af beggja hálfu.
Nánari upplýsingar veitir Einar Þorsteinsson, fjármálastjóri, í síma 575 9000 eða 669 4416.
|