English Icelandic
Birt: 2017-02-06 17:58:33 CET
Icelandair Group hf.
Aðrar upplýsingar sem birtar eru í samræmi við reglur Kauphallarinnar

Flutningatölur janúar 2017

Í janúar var farþegafjöldi Icelandair tæplega 206 þúsund og jókst um 18% miðað við janúar á síðasta ári.  Framboð var aukið um 22%. Sætanýting var 73,6% samanborið við 74,3% í janúar í fyrra. Farþegar Flugfélags Íslands voru um 20 þúsund og fækkaði um 1% milli ára.  Framboð í janúar var 24% meira en í janúar á síðasta ári og skýrist það af flugi til Aberdeen sem flogið er í samstarfi við Icelandair og hófst í mars 2016.  Sætanýting nam 62,5%. Seldir blokktímar í leiguflugi voru 14% færri en í janúar á síðasta ári. Fraktflutningar drógust saman um 14% á milli ára.  Skýrist það af verkfalli sjómanna á Íslandi sem hefur haft í för með sér samdrátt í útflutningi á fiski. Framboðnum gistinóttum hjá hótelum félagsins fjölgaði um 14% á milli ára. Herbergjanýting var 69,2% og 8,4 prósentustigum hærri en í janúar 2016.

   

MILLILANDAFLUG JAN 16 JAN 15 BR. (%)
Fjöldi farþega 205.734 173.825 18%
Sætanýting 73,6% 74,3% -0,7 %-stig
Framboðnir sætiskm. (ASK'000.000) 855,2 701,0 22%
       
INNANLANDSFLUG OG GRÆNLANDSFLUG JAN 16 JAN 15 BR. (%)
Fjöldi farþega 20.276 20.399 -1%
Sætanýting 62,5% 70,0% -7,5%-stig
Framboðnir sætiskm. (ASK'000.000) 11,1 9,0 24%
       
LEIGUFLUG JAN 16 JAN 15 BR. (%)
Flugvélanýting 88,9% 100,0% -11,1 %-stig
Seldir blokktímar 1.848 2.148 -14%
       
FRAKTFLUTNINGAR JAN 16 JAN 15 BR. (%)
Seldir tonnkm. (FTK´000) 7.398 8.630 -14%
       
HÓTEL JAN 16 JAN 15 BR. (%)
Framboðnar gistinætur 27.807 24.335 14%
Seldar gistinætur 19.234 14.782 30%
Herbergjanýting 69,2% 60,7% 8,4 %-stig

 

 

Nánari upplýsingar veita:

Bogi Nils Bogason framkvæmdastjóri fjármála Icelandair Group s: 665-8801
Íris Hulda Þórisdóttir forstöðumaður fjárfestatengsla Icelandair Group s: 840-7010

 

 


Traffic Data - January 2017.pdf