Leiðrétting - Hagar hf. endurnýja samning um viðskiptavakt með hlutabréf fyrirtækisins. – Frétt birt 2016-11-02 10:26:07 CET
Leiðrétting: Í tilkynningu sem birt var í Kauphöll 2.11.2016 um endurnýjaðan samning um viðskiptavakt sem Hagar hf. hafa gert við Íslandsbanka vantaði upplýsingar um hámarksfjárhæð heildarviðskipta hvern dag.
Hagar hf. hafa endurnýjað samning við Íslandsbanka um viðskiptavakt á hlutabréfum útgefnum af Högum hf. sem skráð eru á Nasdaq OMX Iceland. Eldri samningur er frá 2011. Tilgangur þessa samnings er að efla viðskipti með hlutabréf félagsins í Nasdaq OMX Iceland („Kauphöllin“) í því skyni að seljanleiki hlutabréfa félagsins aukist, markaðsverð skapist og verðmyndun hlutabréfanna verði með skilvirkum og gagnsæjum hætti.
Samningurinn kveður á um að Íslandsbanki skuli dag hvern leggja fram kaup- og sölutilboð í hlutabréf félagsins í viðskiptakerfi Kauphallarinnar.
Fjárhæð kaup- og sölutilboða, að nafnvirði, skal vera að lágmarki í samræmi við töflu A þar sem gengi félagsins á markaði stýrir fjárhæð tilboða
TAFLA A
Gengi |
Nafnverð |
1 - 25 |
1.000.000 |
25,1 - 35 |
800.000 |
35,1 - 45 |
600.000 |
45,1 - 50 |
500.000 |
50,1 - 65 |
400.000 |
65,1 - 85 |
300.000 |
85,1 - 125 |
200.000 |
125,1 - 165 |
150.000 |
165,1 - 250 |
100.000 |
Tilboð skulu endurnýjuð eins fljótt og unnt er, þó ávallt innan 10 mínútna eftir að þeim er tekið að fullu. Íslandsbanki tryggir að verðbil milli kaup- og sölutilboða sem sett eru fram í viðskiptavakt nemi að hámarki 1,5% og að frávik þeirra frá síðasta viðskiptaverði sama dags sé ekki meira en 3%.
Eigi Íslandsbanki viðskipti með bréf félagsins fyrir 150.000.000 ISK að markaðsvirði eða meira í sjálfvirkri pörun („automatch“) innan dags, sem fer um veltubók Íslandsbanka (eigin viðskipti bankans), falla niður skyldur um hámarksmun kaup- og sölutilboða innan þess dags.
Samningurinn er ótímabundinn og er uppsegjanlegur af beggja hálfu með 14 daga fyrirvara.
|