Reginn hf. - Hlutafjáraukning
Stjórn Regins ákvað á fundi sínum þann 22. mars 2016 að nýta heimild í 4. gr. samþykkta félagsins sem samþykkt var á hluthafafundi Regins fyrr þann sama dag og hækka hlutafé í Regin um 126.600.000 krónur að nafnvirði á genginu 19,0 krónur á hlut. Lögbundinn forgangsréttur hluthafa gildir ekki um hið nýja hlutafé. Hlutafjáraukningunni verður ráðstafað sem greiðslu fyrir hlutafé í fasteignafélögunum Ósvör ehf. og CFV 1 ehf. í samræmi við kaupsamning dags. 30. desember 2015.
Hlutafé í Regin fyrir hlutafjáraukninguna er 1.428.700.000 krónur að nafnvirði og verður að henni lokinni 1.555.300.000 krónur að nafnvirði. Reginn á ekki eigin hluti. Hinir nýju hlutir veita réttindi í Regin frá skráningardegi hlutafjárhækkunarinnar hjá Fyrirtækjaskrá. Sölubann gildir um hina nýju hluti þannig að 30% hlutanna verða seljanlegir við afhendingu, 60% eftir 6 mánuði og 100% eftir 9 mánuði frá afhendingu.
Hinir nýju hlutir verða afhentir eigendum fasteignafélaganna Ósvör ehf. og CFV 1 ehf. sem eru nokkrir. Af þessum aðilum er enginn með stærri hlut en 2% í Regin að undanskyldum Sigurði Sigurgeirssyni fagfjárfesti. Í gegnum eignarhaldsfélag sitt, Mjölnisholt ehf. verður Sigurður sjötti stærsti hluthafinn í Regin.
Eftirfarandi er listi yfir 10 stærstu hluthafa í Regin eftir hlutafjáraukninguna:
Nr. |
Nafn |
Hlutir |
% |
1 |
Lífeyrissjóður verslunarmanna |
208.388.362 |
13,4% |
2 |
Stefnir - ÍS 15 |
132.985.661 |
8,6% |
3 |
Sigla ehf. |
122.265.000 |
7,9% |
4 |
Gildi - lífeyrissjóður |
114.180.738 |
7,3% |
5 |
Stapi lífeyrissjóður |
88.719.956 |
5,7% |
6 |
Mjölnisholt ehf. |
58.157.363 |
3,7% |
7 |
Söfnunarsjóður lífeyrisréttinda |
56.337.947 |
3,6% |
8 |
Sameinaði lífeyrissjóðurinn |
51.643.860 |
3,3% |
9 |
Lífeyrissj.starfsm.rík. A-deild |
44.800.000 |
2,9% |
10 |
Stefnir – Samval |
43.303.836 |
2,8% |
10 stærstu hluthafar í Regin samtals |
920.782.723 |
59,2% |
Aðrir hluthafar |
634.517.277 |
41,3% |
Samtals |
|
1.555.300.000 |
100,0% |
Nánari upplýsingar veitir:
Helgi S. Gunnarsson – Forstjóri – helgi@reginn.is – S: 512 8900 / 899 6262
|