Published: 2016-02-25 21:59:34 CET
Vátryggingafélag Íslands hf.
Fyrirtækjafréttir

Útboði vegna víkjandi skuldabréfa lokið

Í tilkynningu félagsins þann 17. janúar 2016 var greint frá því að gengið hefði verið til samninga við Arctica Finance vegna útgáfu og sölu víkjandi skuldabréfa.  Einnig var sagt frá því að Arctica hefði á þeim tímapunkti skuldbundið sig gagnvart félaginu til að kaupa heildarvirði skuldabréfaútgáfunnar fyrir hönd fjárfesta, en að félagið myndi í samvinnu með Arctica halda lokað skuldabréfaútboð í þeim tilgangi að bjóða lífeyrissjóðum, verðbréfasjóðum og öðrum fagfjárfestum að fjárfesta í skuldabréfunum. Þessu skuldabréfaútboði lauk í dag kl. 17:00.

Í boði voru 2.500 kr. en til viðbótar við framangreint tilboð í heildarvirði útgáfunnar bárust tilboð fyrir 2.060 milljónir króna. Í heildina bárust því tilboð fyrir 4.560 milljónir króna sem er 82% umframeftirspurn. Bindandi kauptilboðið í heildarvirði útgáfunnar var því skorin niður um 68%. Skerðing annarra fjárfesta var töluvert minni. Markaðsviðskipti Arctica Finance höfðu umsjón með útboðinu.

Hin nýju skuldabréf eru vaxtagreiðslubréf og bera 5,25% fasta verðtryggða vexti. Skuldabréfin eru til 30 ára en í bréfunum er uppgreiðsluheimild og þrepahækkun í vöxtum upp í 6,25% eftir 10 ár.

Útgáfudagur verður hinn 29. febrúar nk. og er stefnt að því að skrá skuldabréfin í Kauphöll á árinu 2016.

Nánari upplýsingar veitir Guðlaugur Steinarr Gíslason hjá Markaðsviðskiptum Arctica Finance og Sigrún Ragna Ólafsdóttir, forstjóri VÍS.