ENDURSKOÐUN SAMSETNINGAR OMXI8 VÍSITÖLUNNAR
Reykjavík, 11. júní, 2015 – Nasdaq (NASDAQ:NDAQ) tilkynnir í dag niðurstöður endurskoðunar á OMX Iceland 8 vísitölunni (Nasdaq Iceland: OMXI8), sem gerð er tvisvar á ári. Endurskoðuð samsetning tekur gildi 1. júlí 2015. Reitir fasteignafélag hf. kemur nýtt inn í vísitöluna í stað Tryggingamiðstöðvarinnar hf.
Samsetning OMXI8 vísitölunnar frá og með 1. júlí 2015 verður eftirfarandi:
Eimskipafélag Íslands hf. (EIM)
Hagar hf. (HAGA)
HB Grandi hf. (GRND)
Icelandair Group hf. (ICEAIR)
Marel hf. (MARL)
N1 hf. (N1)
Reitir fasteignafélag hf. (REITIR)
Vátryggingafélag Íslands hf. (VIS)
OMX Iceland 8 vísitalan er Úrvalsvísitala Nasdaq Iceland og er samsett af þeim átta félögum sem hafa mestan seljanleika á Nasdaq Iceland. Vægi félaga í OMX Iceland 8 vísitölunni ræðst af flotleiðréttu markaðsvirði, sem þýðir að einungis það hlutafé sem ætla má að myndi grunn að virkum viðskiptum á Nasdaq Iceland er hluti af vísitölunni.
#
Um Nasdaq vísitöluvörur
Nasdaq Global Indexes hefur síðan 1971 kynnt til sögunnar nýstárlegar, leiðandi og gagnsæjar vísitölur. Vísitölurnar okkar spanna lönd og eignaflokka og innihalda ýmiskonar vísitölufjölskyldur eins og Dividend Achievers, Global, Nordic, Green Economy, Sharia og Commmodity. Við bjóðum stöðugt upp á ný tækifæri fyrir fyrirtæki sem bjóða upp á fjármálaafurðir af alls kyns tagi og fyrir sjóðsstjóra til að meta áhættu og frammistöðu. Nasdaq Global Indexes býður einnig upp á sérsniðna vísitöluþjónustu sem og lausnir til valinna fjármálafyrirtækja. Frekari upplýsingar um vísitölur Nasdaq má finna hér https://indexes.nasdaqomx.com/.
Um Nasdaq
Nasdaq (Nasdaq:NDAQ) er leiðandi í þjónustu á sviði verðbréfaviðskipta, kauphallartækni, eftirlits, skráninga, upplýsingaþjónustu og þjónustu við skráð fyrirtæki í sex heimsálfum. Nasdaq gerir viðskiptavinum sínum kleift að skipuleggja, hagræða og framkvæma framtíðarsýn sína í viðskiptum af öryggi, með margreyndri tækni sem veitir gagnsæi og innsýn í nútíma alþjóðlega fjármálamarkaði. Nasdaq er frumkvöðull í rafrænum kauphallarviðskiptum, en tækni þess er notuð á yfir 70 mörkuðum í 50 löndum og knýr um það bil ein af hverjum 10 viðskiptum í heiminum. Nasdaq er heimili meira en 3,500 skráðra fyrirtækja að markaðsvirði yfir 9.1 billjón Bandaríkjadala. Fyrir meiri upplýsingar, heimsæktu http://business.nasdaq.com/
Fyrirvari vegna staðhæfinga um framtíðarhorfur
Þau mál sem hér er skýrt frá taka til staðhæfinga um framtíðarhorfur sem gerðar eru samkvæmt svonefndum Safe Harbor ákvæðum í bandarískum verðbréfalögum frá 1995 (Private Securities Litigation Reform Act of 1995). Þessar staðhæfingar taka meðal annars til en takmarkast þó ekki við staðhæfingar um afurðir og þjónustu Nasdaq. Við minnum á að þessar staðhæfingar eru ekki trygging fyrir framtíðarafkomu. Raunveruleg niðurstaða kann að vera allt önnur en sú sem fram kemur berum orðum eða með öðrum hætti í staðhæfingum um framtíðarhorfur. Í staðhæfingum um framtíðarhorfur eru ýmsir áhættu- og óvissuþættir eða aðrir þættir sem Nasdaq hefur ekki stjórn á. Þessir þættir byggjast á en takmarkast þó ekki við þætti sem gerð er grein fyrir í ársskýrslu Nasdaq á svonefndu Form 10-K og árshlutaskýrslum sem sendar eru til bandaríska verðbréfaeftirlitsins. Við tökumst ekki á hendur neinar skuldbindingar um að endurskoða að neinu leyti staðhæfingar um framtíðarhorfur.
Nasdaq Copenhagen, Nasdaq Helsinki, Nasdaq Iceland, Nasdaq Riga, Nasdaq Stockholm, Nasdaq Tallin, Nasdaq Vilnius, Nasdaq Clearing og Nasdaq Broker Services eru vörumerkin fyrir Nasdaq OMX Copenhagen A/S, Nasdaq OMX Helsinki Ltd., Nasdaq OMX Iceland hf., Nasdaq OMX Riga, AS, Nasdaq OMX Stockholm AB, Nasdaq OMX Tallinn AS, Nasdaq OMX Vilnius, Nasdaq OMX Clearing AB, Nasdaq OMX Broker Services AB. Nasdaq Nordic lýsir sameiginlegri þjónustu Nasdaq Copenhagen, Nasdaq Helsinki, Nasdaq Iceland og Nasdaq Stockholm. Nasdaq Baltic lýsir sameiginlegri þjónustu Nasdaq Tallinn, Nasdaq Riga og Nasdaq Vilnius.
Fjölmiðlar:
Kristín Jóhannsdóttir
kristin.johannsdottir@nasdaq.com
525 2844
|