Útgáfa skuldabréfs
Icelandair Group hf. hefur lokið sölu á nýjum flokki óveðtryggðra skuldabréfa. Skuldabréfaflokkurinn, sem ber auðkennið ICEAIR 15 1, er til fimm ára, útgefinn í Bandaríkjadal og ber fasta 4,25% vexti sem greiðast hálfsárslega.
Skuldabréf að fjárhæð 23.660.000 Bandaríkjadala voru seld innlendum fagfjárfestum þann 19. desember sl. Heildarheimild útgáfu í þessum skuldabréfaflokki er 75 milljónir Bandaríkjadala.
Skuldabréfaflokkurinn verður gefinn út rafrænt og verður útgáfulýsing birt á heimasíðu Verðbréfaskráningar Íslands í fyrsta lagi þann 15. janúar 2015. Skuldabréfin verða gefin út með heimild Seðlabanka Íslands.
Óskað verður eftir að skuldabréfaflokkurinn verði tekinn til viðskipta á Aðalmarkaði Nasdaq á Íslandi og mun Íslandsbanki annast skráninguna.
Nánari upplýsingar veitir:
Bogi Nils Bogason framkvæmdastjóri fjármála Icelandair Group
Netfang: bogi@icelandairgroup.is
Sími: 665 8801
|