Reginn semur um endurfjármögnun á Reginn Atvinnuhúsnæði ehf.
Stjórn Regins hefur samþykkt að fara í útgáfu á skuldabréfum í tengslum við endurfjármögnun á Reginn Atvinnuhúsnæði ehf. Félagið hefur náð samkomulagi við Íslandsbanka um að annast milligöngu um skráningu og sölu skuldabréfanna. Skuldabréfaflokkurinn verður skráður í Kauphöll og gefinn út í áföngum. Heildarstærð flokksins er áætluð allt að 10 milljarðar kr. en stefnt er á að fyrsti áfangi verði 5 milljarðar kr.
Eftir er að ljúka áreiðanleikakönnun sem og að ákvarða endanlega skilmála flokksins, en gefin verður út tilkynning þegar því er lokið. Gert er ráð fyrir að það verði fyrir áramótin 2013 / 2014.
Reginn Atvinnuhúsnæði ehf. er dótturfélag Regins hf. og það félag sem mun fara stækkandi í framtíðinni. Nú þegar hefur verið lokið við endurfjármögnun á dótturfélögum félagsins sem hýsa Egilshöll og Smáralind og er þetta því skref í að ljúka við endurfjármögnun samstæðu Regins hf.
Nánari upplýsingar veitir:
Helgi S. Gunnarsson
Forstjóri Regins hf.
S: 5128900 / 8996262
|