Icelandair Group hf.
Fyrirtækjafréttir

Flutningatölur ágúst 2012

Metfjöldi farþega í millilandaflugi félagsins í ágúst

Félagið flutti 271 þúsund farþega í millilandaflugi í ágúst eða fleiri en nokkru sinni fyrr í ágústmánuði og voru þeir 9% fleiri en á síðasta ári. Framboðsaukning  var 12% á milli ára. Sætanýting nam 84,9% samanborið við 85,3% í ágúst  2011.  Farþegum fjölgaði mest á N-Atlantshafsmarkaðinum eða um 19% og voru þeir 50% af farþegum félagsins.

Farþegar í innanlands- og Grænlandsflugi voru  36,9 þúsund í ágúst sem er lækkun um 3% á milli ára.  Sætanýting nam 69,3% og dróst saman um 4,9 prósentustig á milli ára. Seldum blokktímum í leiguflugi fækkaði um 11% m.v. ágúst á síðasta ári, þar sem fraktvélar í leiguflugsverkefnum voru einni færri en í fyrra.  Fraktflutningar jukust um 5% á milli ára. Framboð á gistinóttum hjá hótelum félagsins jókst um 5% frá ágúst á síðasta ári. Herbergjanýting var 88,1% og var 5,8 prósentustigum hærri en í ágúst 2011.

Nánari upplýsingar veita:

Bogi Nils Bogason,framkvæmdastjóri fjármála Icelandair Group, s: 665-8801
Íris Hulda Þórisdóttir,forstöðumaður fjárfestatengsla Icelandair Group,s: 840-7010