Icelandair Group hf.
Fyrirtækjafréttir

Flutningatölur október 2011

Farþegar Icelandair á fyrstu 10 mánuðum ársins 60 þúsund fleiri en allt árið í fyrra

Farþegar Icelandair voru 146 þúsund í október og fjölgaði þeim um 13% frá október á síðasta ári.  Framboðsaukning á milli ára í október var 18% og sætanýtingin í október á þessu ári nam 81,5% og lækkaði lítillega frá sama mánuði í fyrra. Farþegum fjölgaði á öllum mörkuðum félagsins, en fjölgunin var mest á ferðmannamarkaðinum til Íslands þar sem aukningin nam 18%.  Icelandair flutti samtals 1.540 þúsund farþega á fyrstu 10 mánuðum ársins 2011, sem eru 60 þúsund fleiri farþegar en Icelandair flutti allt árið 2010.

Flugfélag Íslands flutti 29 þúsund farþega í októbermánuði og fækkaði þeim um 4% á milli ára. Sætanýting Flugfélagsins nam 67,6%.  Seldum tímum í leiguflugi fækkaði á milli ára um 13%. Frakt jókst um 7% miðað við október á síðasta ári.

Framboð á gistinóttum hjá Flugleiðahótelunum jókst um 12% á milli ára og herbergjanýtingin var 63,4%.

Nánari upplýsingar veita:

Bogi Nils Bogason framkvæmdastjóri fjármála Icelandair Group s: 665-8801
Íris Hulda Þórisdóttir forstöðumaður fjárfestatengsla Icelandair Group s: 840-7010