Niðurstöður aðalfundar Nýherja, sem haldinn var í ráðstefnusal félagsins
að
Borgartúni 37, kl. 16.00, þann 19. febrúar 2010:
1. Ársreikningur
félagsins var lagður fram og samþykktur samhljóða.
2. Samþykkt var tillaga
stjórnar að ekki verði greiddur arður vegna
rekstrarársins 2009.
3.
Samþykkt var tillaga um stjórnarlaun fyrir starfsárið 2009: Stjórnarformaður
kr. 2.550.000, stjórnarmenn kr. 850.000 og varamaður kr. 63.000 fyrir hvern
fund.
4. Samþykkt var eftirfarandi breyting á grein 2.1. samþykkta
félagins. Í lok
greinarinnar komi svohljóðandi bráðabirgðaákvæði:
Stjórn félagsins er heimilt sbr. 41. gr. hlutafélagalaga, að auka hlutafé
félagsins um allt að kr. 120 millj. með sölu nýrra hluta. Falla núverandi
hluthafar frá forkaupsrétti sínum til kaupa á hlutum þessum. Stjórn
félagsins ákveður útboðsgengi bréfanna og sölureglur hverju sinni. Skal
áskrift fara fram samkvæmt ákvæðum samþykkta félagsins og V. kafla
hlutafélagalaga. Engar hömlur skulu vera á viðskiptum með hina nýju hluti.
Hinir nýju hlutir skulu veita réttindi í félaginu frá skráningardegi
hlutafjárhækkunarinnar. Heimild þessa getur stjórn Nýherja nýtt innan
þriggja ára frá samþykkt hennar
5. Samþykkt var heimild til handa stjórn
félagsins til að kaupa allt að 10% af
nafnverði hlutafjár félagsins, sbr.
VIII. kafla laga nr. 2/1995 um
hlutafélög. Kaupgengi hluta má ekki vera
meira en 20% hærra eða lægra en
síðasta skráða gengi á Kauphöll Íslands.
Gildistími heimildarinnar er allt
að átján mánuðir.
6. Samþykkt var
að eftirtaldir skipi stjórn fyrir næsta starfsár: Benedikt
Jóhannesson,
Árni Vilhjálmsson og Guðmundur Jóh. Jónsson. Samþykkt var að
varamaður
verði Jafet S. Ólafsson.
7. Samþykkt var að endurskoðendur félagsins
verði KPMG Endurskoðun hf.
Ný stjórn skipti með sér verkum á
stjórnarfundi, sem haldinn var í framhaldi
aðalfundar. Benedikt Jóhannesson
gegnir stöðu stjórnarformanns. Árni
Vilhjálmsson var kjörinn
varaformaður.
Meðfylgjandi er ræða formanns í viðhengi.
|