Reykjavík, 19. febrúar 2008                                                    


Eik fasteignafélag hf. birti í dag ársreikning sinn, að loknum
stjórnarfundi þar
sem reikningar félagsins voru samþykktir.                   
                   

Afkoma Eikar fasteignafélags hf. árið 2007:             
                       
Hagnaður fyrirtækisins var 1,7 milljarðar króna sem er
360% aukning frá árinu   
2006.

- Velta var 1,4 milljarður króna á árinu,
sem er 19% aukning frá árinu 2006.
- EBITDA var 1 milljarður króna á árinu,
sem er 19% aukning frá árinu 2006.
- Arðsemi eigin fjár var 110%, sem er 81%
aukning frá árinu 2006.
- Heildareignir félagsins voru að andvirði 17,2
milljarða króna og hafa þær
  vaxið um 18% frá árinu 2006. 
- Víkjandi
fjármagn, þ.e. eigið fé, víkjandi lán og tekjuskattsskuldbindingar
  voru að
andvirði 4,1 milljarða króna og var það 36% aukning frá því árið
  2006. 
-
Hlutfall víkjandi fjármagns var 23,9% og var það aukning upp á 3,2% frá árinu

  2006.
- Veltufé fyrirtækisins vegna reksturs var 363 milljónir króna og
var það 
  aukning upp 42% frá árinu 2006.

Fjárhagsleg áhætta
Starfsemi
Eikar fasteignafélags hf. er fyrst og fremst falin í útleigu húsnæðis
og
fjárhagsleg áhætta félagsins því aðallega þar, ásamt áhættu vegna

fjármagnskostnaðar og gengisbreytinga. Staða Eikar fasteignafélags hf.
á
leigumarkaði er sterk og mikil ásókn í leiguhúsnæðis hjá félaginu. Vel
flestar
eignir félagsins eru í útleigu. Gera má ráð fyrir að á árinu 2008
gefist
tækifæri til leiguhækkana. Yfirgnæfandi meirihluti lána félagsins eru
í
íslenskum krónum og með föstum vöxtum. Á móti erlendum lánum er félagið
með
leigutekjur í erlendum gjaldmiðlum. Vaxta- og gengisbreytingar hafa því
lítil
áhrif á félagið. 

Breytingar á eignasafni
Árið 2007 seldi Eik
fasteignafélag hf. þrjár fasteignir úr eignasafni sínu:
Dalshraun 13 í
Hafnarfirði og Hverfisgötu 26 og Seljaveg 2 í Reykjavík. Þá var
tveimur eignum
bætt við eignasafn fyrirtækisins á sama tímabili, þar á
meðal
einkahlutafélagið Ingólfsstræti 1a ehf., sem á samnefnda eign í
Reykjavík. 

Breytt eignarhald á Eik fasteignafélagi hf.                     
              
Í upphafi ársins 2007 var Eik fasteignafélag hf. selt til
Eikarhalds ehf. Við
kaupin voru eigendur félagsins FL Group hf., Baugur Group
hf., Saxbygg ehf. og
Fjárfestingarfélagið Primus ehf. Síðar á árinu seldi
Baugur Group hf. sinn hlut
í Eikarhaldi ehf. til FL Group hf., sem á nú
meirihluta í félaginu. 

Framtíð Eikar fasteignafélags hf. 
Í ljósi þess að
staða útleigumála hjá fyrirtækinu er mjög sterk og félagið vel
varið gagnvart
þeim erfiðu aðstæðum sem kunna að skapast á fjármálamarkaði á
árinu 2008, er
framtíð Eikar fasteignafélags hf. björt. Fyrirtækið er tilbúið
til þess að
takast á við samdrátt í íslensku efnahagslífi, á sama tíma og
Eik
fasteignafélag hf. er undir það búið að treysta rætur sínar enn frekar
á
komandi ári. 

Frekari upplýsingar gefur:                                 
                    
Garðar Hannes Friðjónsson,                               
                      
forstjóri Eikar                                        
                        
fasteignafélags hf.                                  
                          
S. 590-2200 / 861-3027