Á stjórnarfundi félagsins þann 23. maí 2007 var ársreikningur félagsins
fyrir
reikningsárið 1. mars 2006 til 28. febrúar 2007 staðfestur af stjórn
og
forstjóra félagsins.  Ársreikningurinn hefur að geyma
samstæðureikning
félagsins og dótturfélaga þess.  Aðalfundur félagsins var
haldinn sama dag og
var samþykkt að greiða 1.000 millj. kr. arð til hluthafa á
árinu 2007. 

Hluthafar félagsins voru 5 í lok reikningsársins og á Baugur
Group hf. 95% af
heildarhlutafé félagsins. 
 
Rekstur
Rekstrartekjur
félagsins námu 46.513 millj. kr. en rekstrargjöld án afskrifta
námu 44.515
millj. kr. Rekstrarhagnaður fyrir afskriftir og fjármagnsliði
(EBITDA) var
2.074 millj. kr.  Afskriftir námu 918 millj. kr. og hagnaður
fyrir
fjármagnsliði og skatta nam 1.156 millj. kr. á rekstrarárinu.  Hagnaður

félagsins fyrir skatta, að teknu tilliti til fjármagnsliða nam 560 millj.
kr.,
en fjármagnsliðir voru nettó neikvæðir um 596 millj. kr. Að teknu tilliti
til
reiknaðra skatta nam hagnaður félagsins 417 millj. kr. á rekstrarárinu
2006/07. 

Fyrirtæki Haga eru eftirfarandi:

Bónus                  
Debenhams				
Hagkaup                 Ferskar kjötvörur				
10-11            
      Noron (Zara)
Aðföng                  Íshöfn
Hýsing                 
Res
Útilíf                 
Bananar
				
Hlutdeildarfélag
Max						

Stöðugildi hjá félaginu þann 28.
febrúar 2007 námu 1.617.

Efnahagur
Heildareignir félagsins námu 23.543
millj. kr. í 28. febrúar 2007. 
Fastafjármunir námu samtals 14.510 millj. kr.
og veltufjármunir námu 9.033
millj. kr. en þar af nema kreditkortakröfur 2.667
millj. kr.  Heildarskuldir
félagsins námu  16.403 millj. kr., þar af  námu
langtímaskuldir 10.192 millj.
kr.  Eigið fé og víkjandi lán nam 7.140 millj.
kr. eiginfjárhlutfall að teknu
tilliti til víkjandi láns var 30% í febrúarlok
2007. 

Staða og horfur

Nokkur bati varð á rekstri Haga á nýliðnu
rekstrarári.  Afkoma félagsins er þó
ekki komin í þann farveg, sem getur
talist ásættanleg til lengri tíma litið. 
Stjórnendur félagsins hafa því
væntingar um betri rekstur á því rekstrarári,
sem nú er hafið.  Þrátt fyrir
mikla samkeppni á matvörumarkaði,  hefur dregið
úr því öfgafulla verðstríði
sem ríkti árið á undan.  Álagning í matvöru hefur
lækkað ár frá ári, þar sem
lágvöruverslanir sinna nú stærri hluta markaðarins,
auk þess sem samkeppni er
hörð.  Hlutur lágvöruverslana á Íslandi er kominn
langt umfram hlutdeild
slíkra verslana í nágrannalöndum okkar.  Einnig er vert
að benda á að tveir
stærstu kostnaðarliðir verslunarinnar, launakostnaður og
húsnæðiskostnaður,
hafa hækkað  mikið umfram verðlagsvítitölu matvöru
undanfarin misseri.  Þensla
á vinnumarkaði og gjörbreytt umhverfi á
húsnæðismarkaði hefur því mikil áhrif
á rekstur verslana. 

Mikil almenn umræða auk umfjöllunar fjölmiðla um
matvörumarkaðinn einkenndi
síðastliðið rekstrarár.  Mikil breyting varð á
skattlagningu matvæla þann 1.
mars síðastliðinn, sem m.a. var ástæða þeirrar
athygli sem matvörumarkaðurinn
fékk, enda um mjög jákvæða breytingu að ræða,
sem hafði veruleg áhrif á verðlag
matvöru.  Í aðdraganda 1. mars, þegar
virðisaukaskattur á matvæli lækkaði í 7%
og vörugjöld á matvælum voru felld
niður átti sér stað ómakleg umræða um aðila
á matvörumarkaði.  Fordæmi slíkrar
umræðu sem matvörumarkaðurinn mátti þola er
vandfundin og á sér ekki samsvörun
á meðal annarra atvinnugreina.  Umræðan
snérist m.a. um að aðlilar á
matvörumarkaði kæmu ekki til með að skila lægri
skattlagningu í lægra
vöruverði.  Komið hefur í ljós að lækkun skattlagningar
skilaði sér að fullu í
verslunum Haga.  Eðlilegt er að reikna áfram með mikilli
samkeppni á
matvörumarkaði.  Umræða um hátt verðlag á matvörum á Íslandi mun
halda áfram,
en hún hefur í auknum mæli beinst að háu verði á landbúnaðarvörum,
höftum í
viðskiptum með þær vörur og stjórnvöldum, enda fáar þjóðir, sem búa
við
jafnmikil höft í verslun með matvöru og tollvernd landbúnaðarvara. 
Hagar
fagna yfirlýsingu nýrrar ríkisstjórnar um aukið frelsi með
landbúnaðarvörur,
enda er slíkt frelsi forsenda fyrir lægra matvöruverði á
Íslandi. 

Hið opinbera stundar umfangsmikinn smásölurekstur.  Hagar vilja á
þessum
tímamótum skora á stjórnvöld að draga sig út úr smásölurekstri,
m.a.
umsvifamikilli snyrtivöru- og raftækjaverslun í Leifsstöð.  Einnig er
mikilvægt
að stjórnvöld heimili sölu á léttvíni og bjór í dagvöruverslunum.


Úrskurði Neytendastofu um að Hagar mættu ekki nota nafnið Hagar, var snúið
af
áfrýjunarnefnd neytendamála.  Högum er því heimilt að nota nafnið Hagar.


Á árinu opnaði 10-11 þrjár verslanir í Leifsstöð, auk þess sem opnuð
var
verslun í miðbæ Akureyrar.  Verslanir 10-11 eru því orðnar 25 talsins. 
Ekki
voru opnaðar nýjar verslanir á vegum Bónus en verulegar endurbætur gerðar
á
nokkrum eldri verslunum, m.a. í Smáratogi og Holtagörðum, en Bónus rak í
lok
rekstrarársins 25 verslanir.  Mikil undirbúningsvinna átti sér stað
innan
Hagkaupa, en þar var opnuð ný sérvöruverslun í Borgarnesi nú í maí auk
þess sem
ný sérvöruverslun verður opnuð í byrjun júní í Njarðvík.  Hagkaup
vinnur auk
þess að opnun 7.600 fermetra verslunar í Holtagörðum fyrir næstu
áramót og
nýrrar 4.000 fermetra verslunar í Garðabæ, sem kemur í stað þeirrar
eldri. 

Rekstur vöruhúsa félagsins gekk vel.  Vöruhúsin skipa mikilvægt
hlutverk í
rekstri félagsins og velgengni þeirra styrkir félagið. 

Markviss
sókn hefur verið í sölu á sérvöru, þrátt fyrir að matvöruhluti
félagsins sé
enn ráðandi.  Á rekstrarárinu tóku Hagar við rekstri verslana
undir
vörumerkjunum Karen Millen, Oasis, Coast, Warehouse, Whistles, All Saints
og
Shoe Studio eftir kaup á félögunum RES og Íshöfn.  Auk þess opnaði
félagið
verslanir undir vörumerkinu Evans í Smáralind og Kringlunni og nýja
verslun
Zara í Kringlunni.  Þá eignaðist félagið helmingshlut í hlutafélaginu
Max, sem
rekur raftækjaverslun undir sama merki í Urriðaholti. 

Félagið
hefur notið mikillar velvildar viðskiptavina og var Bónus kosið
vinsælasta
fyrirtæki ársins fimmta árið í röð, auk þess sem fyrirtækið
hlaut
neytendaverðlaun Neytendasamtakanna og Bylgjunnar annað árið í röð. 
Á
matvörumarkaði hefur Bónus ávallt boðið lægsta vöruverðið undanfarin 18
ár,
Hagkaup mesta vöruúrvalið og þjónustuna og 10-11 lengstan opnunartíma. 
Þessi
þrjú fyrirtæki félagsins hafa forystu á íslenskum markaði, hvert á sínu
sviði. 

Staða félagsins er sterk á þessum tímamótum.  Sérvöruhlið félagsins
er að vaxa
og styrkjast og vörumerkjasafn félagsins er glæsilegt.  Vörumerki
félagsins í
matvöru eru í forystu, hvert á sínu sviði og öll í sókn.  Stór
verkefni eru
framundan í uppbyggingu félagsins, m.a. í Holtagörðum, á Akureyri
og í Garðabæ.
 Tækifærin eru fjölmörg og spennandi tímar framundan. 

Nánari
upplýsingar veitir Finnur Árnason, forstjóri Haga í síma 530 5500