Leiðrétting:
Vaxtatekjur námu 2.401 millj. kr. og hækkuðu um 254% frá árinu
áður. Hreinar vaxtatekjur voru jákvæðar um 65 millj. kr. (var 65 þús. Kr.) og
undir Breyting í lykiltölum voru allar prósentutölur leiðréttar
Stjórn MP
Fjárfestingarbanka hf. samþykkti reikninga bankans fyrir árið 2006 á fundi
sínum fimmtudaginn
15. mars 2007.
Lykiltölur
Fjárhæðir eru í þúsundum
króna
Samstæða
2006 2005 Breyting
Rekstrarreikningur
Vaxtatekjur 2.401.903 944.434
154%
Vaxtagjöld 2.336.760 953.162 145%
Hreinar vaxtatekjur 65.143
(8.728) 846%
Aðrar rekstrartekjur 2.109.661 971.285 117%
Hreinar
rekstrartekjur 2.174.804 962.557 126%
Önnur
rekstrargjöld (565.076) (294.784) 92%
Hagnaður fyrir tekjuskatt 1.609.728
667.773 141%
Tekjuskattur (293.927) (54.348) 441%
Hagnaður 1.315.801
613.425 115%
Efnahagsreikningur 2006 2005
Eignir:
Sjóður og kröfur á lánastofnanir 2.898.986 1.211.809
139%
Útlán 7.188.550 2.900.351 148%
Markaðsverðbréf og eignarhlutir í
félögum 30.343.987 19.744.120 54%
Aðrar eignir 2.301.828 1.244.851
85%
Eignir samtals 42.733.351 25.101.131 70%
Skuldir og eigið
fé:
Skuldir við lánastofnanir 7.733.282 1.178.199
556%
Lántaka 25.468.798 18.997.764 34%
Aðrar skuldir 4.395.549
1.484.379 196%
Tekjuskattskuldbinding 0 20.990 0%
Víkjandi
lán 58.437 72.632 -20%
Eigið fé 5.077.285 3.347.167 52%
42.733.351
25.101.131 70%
Eiginfjárhlutfall (CAD) 19,20% 28,50%
Helstu niðurstöður úr rekstri og efnahag
" Hagnaður af rekstri MP
Fjárfestingarbanka hf. á árinu nam 1.315 millj. kr. samanborið við 613 millj.
kr. árið áður.
" Arðsemi eigin fjár jafngildir 39,6% ávöxtun á
ársgrundvelli.
" Vaxtatekjur námu 2.401 millj. kr. og hækkuðu um 154% frá árinu
áður. Hreinar vaxtatekjur voru jákvæðar um 65 millj. kr.
" Hreinar
rekstrartekjur námu 2.175 millj. kr. og hækkuðu um 126% frá árinu
áður.
" Þjónustutekjur námu 1.052 millj. kr. og hækkuðu um 56% frá árinu
áður.
" Gengishagnaður af annarri fjármálastarfsemi nam 1.059 millj. kr.
samanborið við 286 millj. kr. árið áður.
" Önnur rekstrargjöld hækkuðu um 92%
frá árinu áður og námu 565 millj. kr. Þessi hækkun er þó í samræmi við mikinn
vöxt bankans á árinu 2006.
" Framlag í afskriftareikning nam 100 millj. kr.
Afskriftareikningur útlána í lok ársins nam 41 millj. kr. eða 0,6% af útlánum
og veittum ábyrgðum.
" Útlán til viðskiptamanna í árslok 2006 voru 7.189 millj.
kr. samanborið við 2.900 millj. kr. í ársbyrjun.
" Heildareignir bankans í
árslok 2006 voru 42.733 millj. kr. samanborið við 25.101 millj. kr. í
ársbyrjun. Hækkunin er 70%.
" Eigið fé í árslok nam 5.077 millj. kr. samanborið
við 3.347 millj. kr. í ársbyrjun. Hækkunin er 1.730 millj. kr. eða 52%.
" Á
árinu var hlutafé hækkað um 70 millj. kr. að nafnverði. Söluverð hlutafjárins
nam 565 millj. kr.
" Eiginfjárhlutfall (CAD) samstæðunnar í árslok var 19,2% en
í ársbyrjun var það 28,5%.
Aðalfundur MP Fjárfestingarbanka verður haldinn í
lok mars. Stjórn félagsins mun leggja fram tillögu um að greiddur verði 18%
arður eða 192,6 millj. kr. Það svarar til 14,6% af hagnaði ársins.
Metár í
sögu bankans og góðar horfur
Árið 2006 var metár í rekstri og afkomu MP
Fjárfestingarbanka. Aukning varð á flestum sviðum starfseminnar og hagnaður
bankans á árinu 2006 varð meiri en nokkru sinni áður. Markaðsviðskipti og
eignastýring gengu mjög vel á árinu og er sömu sögu að segja af eigin
viðskiptum bankans. Meirihluti hagnaðar eigin viðskipta var af erlendum
fjárfestingum. Samhliða vexti bankans fjölgaði stöðugildum bankans úr 22 í
byrjun árs í 26 í lok árs.
Afkoma bankans verður að teljast mjög góð í ljósi
þess að starfsumhverfi hans var mjög krefjandi á árinu, innlendir sem erlendir
hlutabréfamarkaðir sveifluðust mikið og ávöxtunarkrafa á innlendum
skuldabréfamarkaði hækkaði mikið. Bankinn styrkti undirstöður rekstrarins
innanlands, meðal annars var innra skipulag bætt og áhættustýring styrkt. Nýtt
tekjusvið innan bankans, fjárstýringarsvið, var stofnað á árinu. Stofnun
sviðsins var nauðsynleg til að styðja við áframhaldandi vöxt bankans í gegnum
fjölbreyttari fjármögnunarleiðir.
Á árinu var lagður grunnur að frekari á
útrás bankans. MP fékk aðild að kauphöllum Eystrasaltslandanna þriggja og er
kominn í hóp veltumestu aðila kauphallanna. Á árinu var ákveðið að opna útibú í
Vilnius, höfuðborg Litháens, og hófst starfsemin þar 1. janúar 2007. Útibúið
mun veita fjárfestum í Eystrasaltsríkjunum og á Norðurlöndunum fjármálaþjónustu
með áherslu á fjárfestingar á fjármálamörkuðum í Austur-Evrópu. Starfsmenn
útibúsins eru 5 talsins.
Bankinn stendur vel að vígi til áframhaldandi vaxtar,
þar sem megináherslan verður að styrkja og útvíkka starfsemi bankans á Íslandi
ásamt því að sækja inn á ný markaðssvæði. MP Fjárfestingarbanki hefur nú þegar
skapað sér þá sérstöðu að vera öflugur samtarfsaðili íslenskra fjárfesta í
austurvegi og hyggst efla þá starfsemi til muna á næstu misserum.
Frekari
upplýsingar veitir:
Styrmir Þór Bragason, framkvæmdastjóri MP
Fjárfestingarbanka hf., í síma 540 3200.
MP Fjárfestingarbanki hf. er ört
vaxandi og framsækið fjármálafyrirtæki sem hefur lagt áherslu á smærri markaði
og nýmarkaði í Evrópu með mjög góðum árangri. Bankinn sinnir eignastýringu
fyrir einstaklinga og fagfjárfesta, annast miðlun verðbréfa á innlendum og
erlendum mörkuðum og fæst við margvísleg verkefni sem tengjast þjónustu og
ráðgjöf til fyrirtækja, sveitarfélaga og fagfjárfesta. Aðalskrifstofa bankans
er í Reykjavík en hann rekur útibú í London og Litháen. Nánari upplýsingar um
MP Fjárfestingarbanka má finna á www.mp.is.
|