Sex mánaða uppgjör Eikar fasteignafélags hf.

Vexti Eikar fasteignafélags hf.
var framhaldið á fyrstu tveimur ársfjórðungum ársins 2006, eins og staðfestur
árshlutareikningurinn sýnir fram á, svo ekki verði um villst. Helstu lykiltölur
eru eftirfarandi í milljónum
króna:

	30.6.2006	30.6.2005	30.6.2004	30.6.2003
Velta
............................................................................	562
,6	413,4	266,8	145,3
EBITDA
.........................................................................	426,4	
301,6	202,7	117,6
Hagnaður
fyrir skatta
     .....................................................	241,2	148,3	63,5	36,8
Hagn
     aður
eftir skatta
     .....................................................	200,2	123,7	53,5	30,1
Arðs
     emi
eiginfjár
...........................................................	24,3%	12,9%	7,5%	9,5
     %
Heildareignir.................................................................
     .	14.745,1	8.770,9	5.768	3.093,5
Eigið
fé
........................................................................	1.846,9
	1.084,0	768,3	498,7
Eigið
fé, víkjandi lán og tekjuskattsskuldbinding
................	2.639,6	1.673,0	1.171,1	734,2
Hlutfall eiginfjár, víkjandi
lána og tekjuskattsskuldbindingar  	17,9%	19,1%	20,3%	23,7%
Handbært fé frá
rekstri
     ...................................................	241,6	-17,9	152,5	47,9


Sta
     rfsemi
Eikar fasteignafélags hf. snýst um kaup, rekstur og útleigu atvinnuhúsnæðis. Á
þeim árshluta sem nú er gerður upp hafa 8.017 fermetrar bæst í eignarsafn
félagsins. Hagnaður Eikar á tímabilinu nam rúmlega 200 milljónum króna, á meðan
tekjur félagsins á sama tímabili voru rúmlega 562 milljónir króna. Hefur því
hagnaðurinn sem og tekjur félagsins vaxið umfram væntingar. Lykiltölur ársins
2006 og samanburðartölur frá árunum 2005, 2004 og 2003 sýna með ótvíræðum hætti
fram á sterka stöðu Eikar fasteignafélags.

Á tímabilinu sem um ræðir hefur
endurkaupsstuðull (e. payback) fasteigna lækkað umtalsvert og er meðaltalið nú
komið niður í 115 mánuði. Ástæðuna má rekja til vaxtahækkana á lánamarkaði sem
hafa haldið aftur af frekari hækkun húsnæðisverðs, þrátt fyrir að leiguverð á
fermetra hafi hækkað hratt.  Þau áhrif sem vaxtahækkanir hafa á verðmat
fasteigna félagsins hefur hins vegar mjög takmörkuð áhrif á starfsemi Eikar,
þar sem núgildandi lánasamningar í íslenskum krónum bera fasta vexti sem í nær
öllum tilfellum eru á betri kjörum en bjóðast í dag.  Staða félagsins er því
ótvírætt sterk.

Virðisútleiguhlutfall Eikar er afburðagott, en tæp 98% af
fjárfestingaeignum félagsins eru í útleigu. Heildarverðmæti eigna Eikar í lok
tímabilsins sem um ræðir nam 14,7 milljörðum króna, en nemur nú rúmum 15
milljörðum. Flestar fasteignir Eikar eru í beinni eigu félagsins, en þó á Eik
þrjú dótturfélög: Skeifuna 8 ehf., Klapparstíg 27 ehf. og Sætún 8 ehf., sem öll
eru rekin í kringum rekstur samnefndra fasteigna. Þá ber að geta þess að Eik á
47,8% hlut í færeyska fasteignafélaginu P/f Fastogn. Í dag er heildarfjöldi
fasteigna Eikar 58, séu erlendar eignir félagsins taldar með. 

Gengistap Eikar
fasteignafélags á tímabilinu nam 390 milljónum króna, en á sama tíma jókst
markaðsvirði fasteigna félagsins meira en því nemur, þar sem hluti tekna
félagsins er í erlendri mynt. Tekjurnar á tímabilinu í erlendum myntum námu 80
milljónum króna.

Reikningsskilaaðferðin
Árshlutareikningurinn er gerður eftir
sömu reikningsskilaaðferð og ársskýrsla félagsins frá 2005, sem merkir að hann
er gerður á grundvelli kostnaðarverðs, að því undanskildu að fjárfestingaeignir
eru færðar á gangvirði. 

Við gerð ársreiknings fyrir árið 2005 var
reikningsskilaaðferðum breytt á þann hátt að eignir sem móðurfélagi nýtti voru
færðar meðal fjárfestingareigna en ekki rekstrarfjármuna, eins og áður hafði
verið gert, þ.m.t. í árshlutareikningi 30. júní 2005. Samanburðarfjárhæðum í
rekstrarreikningi og sjóðstreymi árshlutareikningsins 30. júní 2006 hefur verið
breytt til samræmis við þessa nýju aðferð, en lykiltölurnar í töflunni hér að
ofan eru þær sömu og voru samþykktar af stjórn félagsins hverju sinni.  Birtur
hagnaður samkvæmt árshlutareikningi 30. júní 2005 nam 123,7 milljónum króna en
hækkar vegna breytinganna um 34,8 milljónir króna.

Stjórn Eikar
fasteignafélags hf. staðfesti árshlutareikninginn þann 25. júlí 2006.

Næstu
sex mánuðir
Enginn vafi er á að Eik mun halda áfram að vaxa og dafna á næstu
tveimur ársfjórðungum ársins 2006. Áætlanir ársins, sem byggja á þegar
samþykktum framkvæmdum og núgildandi samningum, auk árshlutauppgjörsins fyrir
fyrstu sex mánuði ársins, gefa fullt tilefni til bjartsýni. Rekstri félagsins
verður framhaldið með sama sniði og áður, sem mun kalla á enn frekari kaup,
byggingu og útleigu fasteigna.

Eik fasteignafélag hf. var stofnað í september
2002 og hefur því starfað í nærri fjögur ár. Eik er í eigu KB banka og
dótturfélags hans. Í byrjun árs 2002 var félagið nær algjörlega í eigu Lýsingar
hf. en var selt til KB banka snemma árs 2005. 

Stefna félagsins er að veita
framúrskarandi þjónustu og hafa eignir sínar ávallt í fullkomnu ásigkomulagi. Í
samræmi við þessa stefnu hefur Eik ráðist í umtalsverðar breytingar á
fjölmörgum eignum félagsins, svo tryggja megi að þær haldist í senn glæsilegar,
nútímalegar og endingagóðar. 

Á sama tíma og starfsmenn Eikar eru þakklátir
fyrir ánægjulegt samstarf við leigutaka á árinu, hlökkum við til áframhaldandi
góðs samstarfs við núverandi leigutaka, sem og góðs samstarfs við tilvonandi
viðskiptavini.

Frekari upplýsingar gefur:
Garðar Hannes
Friðjónsson
framkvæmdastjóri Eikar fasteignafélags hf.
S. 590-2200