Lykill fjármögnun hf.: Stækkun á skuldabréfaflokknum LYKILL 23 11Í dag, 4. febrúar 2021 lauk Lykill fjármögnun hf. stækkun á almenna skuldabréfaflokknum LYKILL 23 11. Flokkurinn er 3 ára vaxtagreiðslubréf með lokagjalddaga þann 28. nóvember 2023 sem ber fljótandi vexti tengda eins mánaðar REIBOR vöxtum auk 1,1% vaxtaálags. Seld voru skuldabréf að nafnverði 1.200 m.kr. á genginu 99,4. Heildarstærð flokksins eftir stækkun verður að nafnverði 3.010 m.kr. Skuldabréfunum fylgir innlausnarheimild sem fjárfestar geta nýtt sér hvenær sem er á líftíma bréfsins og fer framkvæmd innlausnar fram á næsta vaxtagjalddaga 9 mánuðum eftir að tilkynnt er um innlausn. Útgáfudagur og gjalddagi áskrifta er 11. febrúar 2021. Stefnt er að töku til viðskipta á Nasdaq Iceland þann sama dag. Markaðsviðskipti Arion banka höfðu umsjón með útgáfu og sölu skuldabréfanna. Nánari upplýsingar veita: Hrafn Steinarsson, Markaðsviðskiptum Arion banka hf., hrafn.steinarsson@arionbanki.is; s: 444 6910 Arnar Geir Sæmundsson, Fjárfestingarsviði TM hf., arnargs@tm.is, s: 515 2000
|